Sekeda kandang menua di Julau dituntung penusah ampuh bah - Berita Iban Online

Header Ads

  • Baru Nyadi

    Sekeda kandang menua di Julau dituntung penusah ampuh bah

    AMPUH: Rumah Jana di Batu Matop, Julau bela ampuh ai, kemari.
    JULAU: Rumah Jana, Batu Matup enggau Rumah Edward Bunol sekeda ari endur ke ampuh bah di Julau, kemari.

    Pemesai Opis Pelilih Julau, Khalid Andong madah, kelimpah dua buah rumah panjai tu, Sekula Primari (SK) Nanga Serau mega ditutup ketegal ampuh bah.

    “Pia mega, opis kami, (Opis Pelilih Julau) bela ampuh bah berengkah urung 8 pagi,” pia ku iya maya berandau enggau pengarang berita, kemari.

    Ku iya, opis sida ampuh ketegal ai ba Sungai Jikang majak besai ti dipelabaka ujan bangat ba ulu sungai nya.

    Khalid madah, piak raban Opis Penyah Penusah enggau Pengerara Api (BOMBA) datai ngesah mindahka perengka opis sida ngagai endur ke likun agi.

    Kelimpah ari nya, iya mega madahka Bilik Operasyen Ampuh Bah Julau bela dipindah ngagai opis pelilih menua ke lama, enda jauh ari pasar Julau. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads