Semua palan tugung uras deka disikap ngena SCADA - Berita Iban Online

Header Ads

  • Baru Nyadi

    Semua palan tugung uras deka disikap ngena SCADA

    Datu Dr Penguang Manggil
    SIBU: Semua palan tugung uras di nengeri tu deka disikap enggau sistem ngulih data enggau jaga intu  (SCADA) ba dudi hari, bepanggai ngagai agih belanja ke dikembuan.

    “Naka tu, dua palan tugung uras iya nya Sibuti di Miri enggau Mambong di Kuching disikap enggau sistem Scada tu,” ku Menteri Muda Kaunsil Kandang Menua, Datu Dr Penguang Manggil.

    Iya madah munyi nya rambau ditanya sekalika semua palan tugung uras di Sarawak deka disikap enggau sistem tu dudi hari ila.

    Sistem Scada tu matau operasyen palan nganchurka uras, kelimpah nabarka teda ai kamah ke anyut ari palan tugung nya.

    Kaban Kunsil Nengeri Marudi nya madah, agi bisi lapan palan tugung uras di nengeri tu iya nya Mambong (Kuching), Kemunyang (Sibu), Sibuti (Miri), Tebedu, Lubok Antu, Engkilili, Meradong enggau Limbang.

    Kelimpah lapan palan tugung nya ku iya, palan ke dipenggi piak kaunsil kandang menua ke bukai iya nya palan tugung uras tebuka.

    Ditanya sekalika bisi palan tugung uras baru deka digaga, iya madah sekeda palan baru udah diperambu.

    “Nengah Langgur Pemansang Malaysia Lumpar Ke-10 (RMK11), bisi disebut perambu palan tugung uras Tikas 1 ba Lundu, Dalat, Mukah, Balingian, Tebedu, Serian, Meradong enggau Limbang.

    “Palan tugung uras mega bisi disebut ungkup menua Bario enggau Marudi,” ku Dr Penguang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads