Header Ads

  • Berita Tebaru

    Sepital Petra Jaya disadang tembu laun ari perambu asal

    Dr S. Subramaniam
    KUCHING: Menteri Pengerai Datuk Seri Dr. S. Subramaniam madahka projek ngaga Sepital Petra Jaya napi pemar lalu disadang tembu laun ari perambu asal.

    “Projek Sepital Petra Jaya ‘sakit’ lalu meseti ‘diperubat’. Timpuh tembu udah dilanjar ngagai pengujung taun 2018,”ku iya.

    Subramaniam masutka jaku nya ba aum pengarang berita di Sepital Besai Sarawak (SGH) ditu, pengudah nemuai ngagai Klinik ‘Dog Bite’, kemari.

    Ku iya nambah, lebuh projek dipungkal suba,  kitai nyadang kunteriktor ulih nembuka projek nitihka timpuh ke ditetap.

    “Tang maya projek digaga, kunteriktor napi mayuh macham penanggul lalu ngujungka pejalai projek lubah dikereja.

    “Opis Kereja Raya (JKR) matau pejalai projek tu lalu kunteriktor diberi seiti agi timpuh baru endur nembuka projek,” ku iya.

    Nitihka penerang Subramaniam, penanggul nembuka projek nya meri empas ke besai ba SGH diatu.

    Perambu asal netapka Sepital Petra Jaya patut tembu digaga ba bulan Jun 2017.

    Ngenang projek ke benung digaga ba SGH, iya madah projek ti begunaka belanja RM350 juta disadang tembu dalam timpuh 2 tauka 3 taun.

    Ku iya, projek tu nyengkaum pengawa ngaga Klinik ‘Day Care’, bilik beputung (OT), Makmal Pathologi enggau lebih 1,800 palan endur ngengkahka entukar ke baru.

    “Kelimpah ari nya, hotel enggau perengka guna bukai deka mega digaga,” ku iya nandu. #UtusanBorneo

    No comments

    Post Top Ad