Header Ads

  • Berita Tebaru

    Siku nembiak ditemu mati lemas di Sungai Gaat, Baleh

    LABUH DITU: Endur penusah nembiak lelaki mati lemas, niang Alenjendro Manuel Anak Abal, lebuhka mandi dia begulai enggau bala bakih ke bukai kena 18 Febuari tu tadi.
    KAPIT: Kena lemai Hari Minggu tu tadi, urung pukul 4.30 lemai, nembiak lelaki sekula primari, ti beumur 11 taun, Alenjendro Manuel Anak Abal udah lemas lebuh ti mandi di sungai begulai enggau bala bakih iya ke bukai.

    Penusah nyadi di Sungai Gaat, Baleh, Pelilih Bukit Mabong.

    Peranak rumah panjai tekala nya bejalaika pengawa ngiga enggau nyelamat Alenjendro.

    Bangkai niang ditemu urung pukul 6.30 lemai tauka dua jam pengudah penusah nyadi, urung 30 meter ili sungai, ke alai iya lemas ditabanka arus deras.

    Bangkai niang udah nya datai di Kapit urung pukul 1.30 lemai, kena 19 Febuari, dibai ngagai Rumah Bangkai di Sepital Kapit, dibai ngena Landrover Polis ari Penyangkai Kubu.

    Niang peranak asal ari Rumah Said, Nanga Puro, Sungai Gaat, lalu besekula di Sekula Primari (SK) Nanga Stapang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: