SRS Taman Dahlia Batu 5 deka nyaup nentuka pengelikun genturung pendiau - Berita Iban Online

Header Ads

  • Baru Nyadi

    SRS Taman Dahlia Batu 5 deka nyaup nentuka pengelikun genturung pendiau

    DSP Merbin Isa
    KUCHING: Skim Rondaan Sukarela (SRS) Taman Dahlia, Batu 5 Matang deka nyaup nentuka pengelikun ba genturung pendiau nya.

    Sapit Ketuai Polis Padawan DSP Merbin Isa madah SRS nya udah bejalaika tanggungpengawa rama enggau manah.

    Ku iya, kenyau ditumbuh, SRS Taman Dahlia udah mantu ngurangka kes jenayah baka ke ngenchuri mutusikal, beserungkai rumah sereta mega kes dadah.

    “Ari timpuh 1 Januari 2018 nyentuk ngagai diatu, nadai kes enchuri mutusikal diriput nyadi di Taman Dahlia ditu enti dibandingka enggau taun ke udah.

    “Tu seiti pekara ke manah, kes beserungkaika rumah pan udah kurang lalu tu asil sukung semua kelebih agi SRC Taman Dahlia,’ku iya.

    Merbin mansutka jaku nya ba Program Randau entara Ijinsi begulai enggau peranak Taman Dahlia.

    Program digulu Kaban Kunsil Nengeri(ADUN) Tupong Fazzrudin Abdul Rahman.

    Entara ijinsi bukai ke datai iya hya Gempung Pemansang Pengawa Berumah (HDC), Opis Kunsil Kandang Padawan (MPP), Trienekens (Sarawak) Sdn Bhd, Ijinsi Anti Dadah Menua (AADK) sereta Opis Penyerakup Menua enggau Integrasi Nasional (JPNIN).

    Tajapia ku Merbin nambah, kes dadah ba Taman Dahlia mengkang bisi nyadi lalu seiti pekara ti dikemata opis polis enggau berat.

    “Unit narkotik polis deka terus matau penyalah dadah ke alai pemesai bepekayan periman kitai deka suah agi tama ngagai genturung pendiau tu,’ku iya.

    Ngenang kaul bukai, Merbin madah Balai Polis Matang deka digaga besemak enggau Sekolah Memandu (Jalai Matang).

    Ku iya, tinda ungkup projek nya udah dikeluar lalu deka berengkah digaga dalam timpuh ke semak.

    Nyaut pinta peranak Taman Dahlia ti dekaka Pondok Polis Matang dibuka 24 jam, Merbin madah Opis Polis Padawan keran ngemujur pinta nya.

    “Diatu kitai bisi minta Indu Opis Polis Badruddin nambah penyampau raban polis di Balai Polis Batu Kawa.

    “Enti penyampau tubuh raban polis di Balai Batu Kawa chukup, Pondok Polis Matang ulih dibuka 24 jam,’ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads