Tanah tusur ngalitka jalai ngelawa sekula, rumah panjai di Sg Buloh - Berita Iban Online

Header Ads

  • Baru Nyadi

    Tanah tusur ngalitka jalai ngelawa sekula, rumah panjai di Sg Buloh

    MAJAK AMPUH: Gaya laman SK Sungai Buloh.
    SELANGAU: Jalai ngelawa dua buah rumah panjai enggau sebuah sekula primari ba Sungai Buloh udah tanah tusur, tengahari, kemari.

    Ketegal tu, peranak Rumah John enggau Rumah Bala sereta bala nembiak enggau pengajar Sekula Primar (SK) Sungai Buloh enda ulih mindah.

    Ba sekula nya, Kepala Pengajar Bonaventure Tibong madah, nembiak sekula nya ti bisi 134 iku mujur diambi apai indai sida sebedau jalai nya runtuh.

    “Dulu agi ari tu, bala nembiak diasuh pulai urung pukul 10.30 pagi ketegal ai majak ngampuhka sekula lalu ujan mega nadai ngetu.

    “Taja pan baka nya, bisi bala pengajar agi mengkang di sekula laban sida empai pansut ari sekula sebedau jalai nya runtuh,” pia ku iya maya berandau enggau pengarang berita, kemari.

    TUSUR: Jalai ngelawa Rumah John, Rumah Bala enggau SK Sungai Buloh, runtuh tengahari, kemari.
    Bonaventure madah, naka pukul 2 lemai kemari, ai ngampuhka sekula nya urung tiga ngagai empat kaki.

    “Kitai nangi kuarters bala pengajar deka ampuh laban hari mengkang ujan lalu ai mega mengkang besai,” ku iya sambil madah ari penyampau nembiak nya, 87 iku nembiak buding. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads