Tanah tusur nyauka ngalitka Jalai Pakan enda jauh Rumah Jantan - Berita Iban Online

Header Ads

  • Baru Nyadi

    Tanah tusur nyauka ngalitka Jalai Pakan enda jauh Rumah Jantan

    TUSUR: Jalai Pakan nyauka alit ketegal tanah tusur nyadi besemak enggau Rumah Jantan, Genting Kopi di Pakan, pagi kemari.
    PAKAN: Mensia mayuh ti nengah Jalai Pakan pagi kemari tepekul enda lama ketegal tanah tusur nyadi besemak enggau Rumah Jantan, Genting Kopi.

    Nitihka siku ari sida ti nengah jalai nya, iya enggau bala sama opis iya bisi mansa jalai tu urung pukul 7 pagi.

    “Datai ba endur nya tanah tusur nyau deka ngalitka jalai.

    “Tang taja pan baka nya, kerita mit enggau mutosikal ulih nyeliah nengah tisi jalai,” pia ku iya ti enggai madahka nama.

    Iya maya nya enggau sida sama opis benung deka ngelawa Pakan bejalaika pengawa perintah.

    Kerita ke dikena sida sebala semina ulih nengah ari tisi jalai aja.

    Ketuai Opis Penyah Penusah enggau Pengerara Api (BOMBA) Bintangor Nicholas Belulin madahka piak sida nerima kangau ari mensia mayuh urung pukul 8 pagi.

    “Sepengudah nerima kangau piak kami datai ngelawa palan penusah.

    “Nadai penusah bebadi diripotka ketegal tanah tusur tu,” pia ku iya madah nengah penerang media.

    Nicholas mega madahka penusah nyadi nyangka ketegal ujan bangat kenyau ari beberapa hari tu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads