Tim RS1 ngelawa semua makit basah seraya meri selamat TBC - Berita Iban Online

Header Ads

  • Baru Nyadi

    Tim RS1 ngelawa semua makit basah seraya meri selamat TBC

    Datuk Andrew Wong
    SIBU: Tim Perambu Sibu 1 (RS1) udah ngepunka pejalai ngagai semua makit basah ditu seraya meri selamat Taun Baru China ngagai semua orang dagang.

    Pengawa nya diuluka chairman iya Datuk Andrew Wong, tim tu berengkah bejalai ngelawa Pasar Taman Rejang, Pasar Sungai Merah enggau Pasar Sungai Antu, kemari.

    Nitihku Andrew Wong, pejalai sida ngagai semua makit basah di Sibu nya laban deka meri selamat Taun Baru China ngagai semua orang dagang.

    “Berebak enggau pengerami Taun Baru  China enda lama agi, kami ngena peluang tu bejalai ngabas semua makit basah ditu.

    “Ninting taun kami ngelawa Pasar Sentral Sibu, tang serak tu kami ngabas semua makit basah ke mit,” ku iya madah ngagai pemberita.

    Chairman Kaunsil Servis Komuniti Parti Rakyat Bersatu (UPP) Sibu nya madah, sida mega deka bejalai ngelawa Pasar Malam Sibu enggau Pasar Sibu Jaya.

    “Palan kepenudi kami iya nya Pasar Sentral Sibu,” ku chalu bepenau UPP ungkup penuduk Parlimen Sibu nya.

    Pejalai sida nya dirichahka enggau pengawa mandangka tanda singa, tim RS1 mega ngambi awak betabi enggau bala pedagang enggau mensia mayuh.

    Sama bisi datai chalun bepenau UPP ungkup Parlimen Lanang, Andrew Ting sereta bala RS1 ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads