Ulah begempung ulih ngemujur sebarang program ti diatur - Berita Iban Online

Header Ads

  • Baru Nyadi

    Ulah begempung ulih ngemujur sebarang program ti diatur

    Datuk Ding Kuong Hiing
    BINTANGOR: Ulah begempung ba semua raban beguna endar dikena nempa siti tim ti tegap kelebih agi ngemujurka pejalai bemacham program renggat baruh.

    Kaban Kunsil Nengeri (ADUN) Meradong, Datuk Ding Kuong Hiing madah dikena nempa pengelantang, kaul kerejasama antara peranak, bala ketuai raban bansa sereta ejensi perintah endang beguna endar.

    “Kaul semua raban ti chakah gawa ngemujurka semua program mega meri asil chukup manah.

    “Berebak enggau nya, kena memanah awak dalam serakup gawaka bala komuniti.

    “Aku mega pechaya nyema semua raban ulih ngeneguhka agu kerejasama enggau pejalai tanggungpengawa berat ti dilempai deka nyadi lempung,” ku iya.

    Ding mansutka jaku nya rambau Pengawa Bejadika Program Fiesta Sehati @ Radio dan Televisyen Malaysia (RTM) diatur pengelama dua hari berunggu di Tebing Sungai Bintangor ditu, apin lama ke udah.

    Lebih 5,000 iku nedat program tu lalu sama bisi datai Sekretari Politik Kepala Menteri, Teng Ung Woo, Residen Bagi Menua Sarikei, Mohamad Junaidi Mohidin, Pemesai Pelilih Meradong, Haron Mahidi, Direktor Pusat Siaran dan Kawalan Rangkaian Multi Channel RTM, Haji Jamel Seman ti ngarika Ketuai Direktor Penabur Malaysia enggau Pemangku Direktor Penabur Sarawak, Hajah Faridah Sulong.

    Dalam jaku dipansutka iya mega, ku Ding, ari kitai begempung, tetiap pekara ulih diputar enggau muntang sereta meruan.

    “Kitai patut beserakup ba semua pekara ke nyadi. Anang ngadai menua dudi hari semina ketegal kitai charut enggau pangan diri. Nya alai, tanka pengelantang, teguhka penyerakup enggau ayanka semangat talukka menua,” ku iya nampung.

    Sepanjai atur program nya, bemacham atur pengerami udah diatur nyengkaum senamrobik, pekit ‘street soccer,’ Dj Corner, Program Jelajah Lokasi Sibu Fm enggau Konsert D Aspirasi.

    Antara artis bisi ngerichahka program nya iya nya Ronnie Hussein, Bob Yusuf, Johnny Aman, Saymie Ismail,  Eyqa Saiful, Esther Kho, Baby Shima,  Bunyau enggau Mujab sereta Camelia Edward (Bintang Kecil). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads