Header Ads

  • Berita Tebaru

    Urung 2000 paung kayu ditanam DBKU kelai siru ke rampa menua

    NGAMBIKA GALAK : Abang Johari ngerami baja ba anak kayu ke baru ditanam.
    KUCHING: Nyaga sereta ngintu rampa menua tanggung pengawa kitai sama-sama nengah pengawa betenamka pun kayu, ukai semina nyaga rampa menua aja, tang pemisi rampa menua ngemanahka agi menua tu.

    Kena 28 Jan tu tadi, Opis Kunsil Dewan Bandaraya Kuching Utara (DBKU) bekerejasama enggau Opis Daya Builders enggau Housing Development Corporation nanam urung 2000 paung kayu ari spesis Rhu Laut, Rhu Ronang, Engkabang Langgai, Engkabang Sarang Punai, Engkabang Merah, Kapur Bukit, Kapur Kelansau, Entangor Putih enggau Nyatu Rian di Lot 1822, di sitak Muara Tebas, semak ditu.

    Datuk Bandar DBKU, Abang Wahap Abang Julai madah pengawa betanamka anak kayu nyadi sebagi ari pengawa ke digaga DBKU, ke betatika gaya rampa menua ke gadung agi, kelimpah ulih meri empas laban bisi endur nimbun ai ke manah ba ngelingi endur nya.

    “Nyaga sereta ngintu rampa menua tanggung pengawa kitai semua, lalu dalam pengawa nyaga rampa menua, DBKU mega ngaga pengawa siti pengawa ke muntang endar tang meri empas dalam ngetanka pengadung Bandaraya Kuching, iya nya nengah chara nanam baru tiga pun kayu ke nganti sebatang pun kayu ke kena tebang, alai iya berat endar kena ngetanka ekosistem kitai,” ku iya.

    Abang Wahap madah munyi tu lebuh bejaku ba aturpengawa #MA2018 Tree Planting @Muara Tebas do Lot 1822 ke dipunka ulih Kepala Menteri, Datuk Patinggi Abang Johari Tun Openg semak ditu, kemari.

    Ba pengawa nya kemari, #MA Tree Planting siti Tanggung Pengawa Korporat Rama ke dipunka ulih sekeda kaban korporat, baka Abang Dato Paaduka (Dr) Ariffin Abang bohan, ke bekerejasama enggau palan Institut Peyelidikan Perhutanan Malaysia (FRIM) sereta DBKU.

    “Program #MA Tree Planting @ Muara Tebas tu mega betuju nyaga sereta ngintu gaya rampa menua ke gadung di sitak Muara Tebas, alai iya mega ngipak Perambu Ngemanahka agi Pengelawa, Pemeresi sereta Bandaraya Kuching ke likun.

    “Kelimpah ari nya, program ngemanahka rampa menua tu mega matak sereta meransang mensia mayuh ba penyiru ke rampa menua.

    “Nengah program bansa tu, kitai ulih neritka agi kaul ba entara kitai, opis sereta ijinsi, sereta ngajar orang bukai ba pemerat biodiversity sereta bakani ku ulah mensia tau nganu rampa menua,” ku Abang Wahap. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: