Header Ads

  • Berita Tebaru

    Urung 3,172 premis diperesa sekumbang kimpin Skim Nyaga Rega Musim TBC 2018

    Abdul Hafidz Abdul Rahim
    SIBU: Urung 3,172 premis dagang ba serata nengeri udah diperesa Opis Menteri Dagang Dalam Nengeri, Gerempung kerejasama enggau Pekara Bebeli Barang (KPDNKK) sekumbang kimpin Skim Nyaga Rega Musim Pengerami Taun Baru China (TBC) 2018.

    Ketuai Pemesai Penerit Adat KPDNKK Sarawak Abdul Hafidz Abdul Rahim madah, pengawa meresa nya dikena nentuka semua pedagang nitih atur rega ke udah diletak.

    Ari pengawa meresa nya ku iya, piak KPDNKK bisi neritka atur ngagai dua pedagang di Miri.

    “Dua kes tu mungkur penyalah ngelanggar Atur 2(1), Perintah Kawalan Harga dan Antipencatutan (Kelai Rega ungkup Barang Dijaga) 2018.

    “Barang berega RM218 nya mega dirampas sereta dikompaun penyampau RM200,” ku iya maya dirandau kemari.

    Abdul Hafidz madah, nadai kes ba baruh Atur 3(1), Perintah Kawalan Harga (Mandangka Kelai Rega ari Penyual) 1993 dan Seksyen 11, Akta Kawalan harga dan Antipencatutan 2011.

    Ari 3,172 premis ke diperesa nya, 475 premis diperesa ba Kuching, Sibu (397), Bintulu (378), Miri (345), Kapit (306), Sarikei (303), Limbang (274), Sri Aman (271), Mukah (256) enggau Lawas (167).

    Skim Nyaga Rega Musim Pengerami Taun Baru China 2018 diatur berengkah 10 nyentuk 21 Febuari tu tadi. #UtusanBorneo

    No comments

    Post Top Ad