Header Ads

  • Berita Tebaru

    12 iku agi anak mit sekula ngaga ripot polis kala beleman mali enggau pengajar di Batu Niah

    Polis mai supsek ke balai laban deka bejalaika pengawa mansik.

    MIRI: Penyampau 12 iku pelajar primari sekula udah ngaga ripot polis madahka diri kala beleman mali enggau siku pengajar di Sekula Primari Batu Niah ditu.

    Ketuai Jabatan Siasatan Jenayah (JSJ) Sarawak, Datuk Dev Kumar madahka, penyampau semua 13 iti ripot udah diterima pasal kes beleman mali tau ulah ke pemadu jai ke digaga pengajar lelaki nya.

    Ripot ti keterubah ke bisi diterima polis ulih dibacha nuan, ba "DITU".

    "Kesemua mansa ke beumur lapan nyentukka 11 taun ngaga ripot madahka diri kala beleman mali enggau pengajar lelaki nya di sekula maya sida iya benung belajar ba Primari Satu enggau Dua di sekula nya," ku iya nerangka bala raban pengarang berita seharitu tadi.

    Berebak enggau nya, ku Dev, suspek ke beumur 40 taun enggau udah ditangkap urung jam 3.30 petang, 24 April  tu tadi.

    Kediatu, suspek benung ditan sereta dikenaka ukum reman pengelama tujuh hari laban deka bejalaika pengawa mansik ari baruh Genteran Seksyen 14 (a) dan Seksyen 16 (1) Akta Kesalahan-Kesalahan Jenayah Seksual Terhadap Kanak-Kanak 2017.

    No comments

    Post Top Ad