Alice, Oscar enggau Lin Biu mengkang dikearap ngenanka sitak sida ke DAP - Berita Iban Online

Header Ads

  • Baru Nyadi

    Alice, Oscar enggau Lin Biu mengkang dikearap ngenanka sitak sida ke DAP

    NGELAI: Chieng Jen (enam kiba, Tan (tujuh kiba) begulai enggau bala bukai melah kek ngintu genap taun ke-40 DAP Nengeri.
    SIBU: Parti Tindakan Demokratik (DAP) Sarawak maya pengerami makai lemai ngintu genap taun Ke-40, udah mantaika nama Alice Lau, Oscar Ling enggau Wong Lin Biu deka ngetanka penuduk sida maya Pengawa Bepilih Besai Ke-14 (GE14) - Alice di Lanang, Oscar di Sibu lalu Lin Biu, Sarikei.

    Chairman DAP Nengeri, Chong Chieng Jen, ti mantaika nama sida nya madahka Paren Nyawi, 37 taun, deka bediri minta pilih di penuduk Kapit, ari baruh tikit DAP.

    Paren ti udah belajar di Kuala Lumpur lalu udah nya bekereja pengelama 15 taun ukai baru dalam politik, udah bediri minta pilih nyadi chalun DAP di Katibas maya pengawa bepilih besai ke sebedau tu.

    Berebak enggau nya, pengerami makai lemai nya mega nyadi pengerami dikena parti meri basa ngagai sekeda tuai kaban parti.

    Sama bisi datai iya nya Chairman DAP Nasional Tan Kok Wai,  Chairman Parti Keadilan Rakytat (PKR) Nengeri Baru Bian, ex-Chairman DAP Nengeri Chong Siew Chiang, ADUN Pelawan David Wong enggau ADUN Tanjung Batu Chiew Chiu Sing. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads