Header Ads

  • Berita Tebaru

    Anyi Ngau dipelaba agi ngetanka kerusi Baram ba PRU14

    LANTANG: Penguang (lima kanan), Anyi (empat kiba) enggau Catherine Awing (tiga kanan) begulai enggau temuai bukai rambau atur Program Kesedaran Masyarakat diatur Serakup Berawan Sarawak (Penipong Melawen Sarawak) di Balai Anthony, Lapok.
    MIRI: Kaban Kunsil Nengeri (ADUN) Marudi Datu Dr Penguang Manggil meragam penyandang penuduk Parlimen Baram (P220) deka ditan maya Pengawa Bepilih Besai Ke-14 (PRU-14) tu.

    Bejaku rambau ‘Program Kesedaran Masyarakat’ diatur Serakup Berawan Sarawak (Penipong Melawen Sarawak) di Balai Anthony, Lapok, ku Penguang, chalun Barisan Nasional (BN) ungkup penuduk Parlimen Baram meruan ari Parti Demokratik Progresif (PDP) lalu naka diatu, chalun sida iya nya Anyi Ngau.

    “Taja pia aku ngelalau rayat ngambi enda mudah tepejuh enggau politik duit enggau politik kepapas ke pangan diri.

    “Aku temegah amat enggau pengeransing beserakup diayanka komuniti Berawan taja sida bansa minoriti. Bansa bukai patut nundaka penyerakup Komuniti Berawan,” ku iya.

    Penguang ke mega Menteri Muda Kaunsil Kandang Menua muji sukung ti diberi komuniti Berawan ngagai perintah BN ngelama tu.

    Iya mega meri komitmen terus gawa minta sebuah balai komuniti di pasar Lapok ngambika dikena komuniti menua nya.

    “Program bansa tu beguna amat nyadi pelasar ngagai komuniti Berawan mantaika isu enggau penanggul ditapi sida ngagai perintah.”

    Beserimbai enggau pengawa nya, Penguang mega bisi ngemendarka agih belanjka Projek Mit Pemansang Menua Pesisir (MRP) ngagai Komiti Pemansang enggau Pengelikun Genturung Pendiau (JKKK) Henry Kassim Wen, Long Jegan RM30,000, JKKK Joslee Teging, Long Teran Batu RM15,000, JKKK John Mato, Long Tuyut RM15,000, JKKK Androus, Long Takong RM15,000 sereta projek Program Transformasyen Menua Pesisir (RTP) 2018 Ngangkatka Pemanah Jalai enggau Paking Rh Penghulu Patrick Jelaman (RM100,000) enggau ngemanahka jalai enggau paking di Rh Francis Ubi, Long Jegan (RM100,000). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: