Header Ads

  • Berita Tebaru

    Batu Kudi?

    Tu mih batu ke disebut orang 'Batu Kudi' gambar tu diambi di Wong Separai, Ulu Anap, Tatau. #JinggaIngga

    BINTULU: Pagi tadi bisi ngiarka artikel pasal 'Batu Kudi' di Facebook Pages Berita Iban Online. Artikel enggau gambar nya tau dibacha nuan ba *DITU*

    Nitihka saut bala pemacha ba ruang komen Facebook 'Berita Iban Online' mayuh bala kitai apin nemu nama reti tauka guna 'Batu Kudi'.

    Lemai tadi Admin bisi berandau enggau menyadi Janting Chupong alu nanya iya nama reti enggau guna 'Batu Kudi'. Tu saut iya;

    "Batu Kudi tu siti utai ti ngemadu ka utai ti ngasuh kudi. Sekalika ari pengawa kitai ari jaku ari tundi gagai kitai sereta enggau utai bukai ti tau ngasuh kudi. Ba ulah kitai iban dulu kelia.

    Enti udah dibasu enggau batu ai kudi tu ea ulih badu lalu suman baka buai empeleman.", ku iya.

    Bakani chara nguna batu nya?. Ulih di ibun kitai batu nya?, pia ku tanya admin baru.

    "Batu Kudi nya tau di ibun kitai datai ka saritu tang mesti dipedaraka tiap gawai enda milih maya. Sekali ka maya Gawai Dayak, Gawai Antu, Gawai Kenyalang enggau Gawai ke bukai."

    "Diak kitai iban ngayanka piring, nganggau ka antu. Bala sida Keling Geradi Nading, bala sida Pungga Pematak Kayau enggau bala ke bukai bela datai magang lebuh maya bedaraka utai ti dikembuan siku-siku kitai iban."

    "Dulu kelia enggau diatu pan sama mega enti bisi bakatu", pia ku Janting nerangka admin.

    Bisi bala kala meda batu tu?. Minta bala ke landik enggau bisi penerang ti silik pasal Batu Kudi tu tau pejuraika ba ruang komen baru artikel tu..

    No comments

    Post Top Ad