Buah runding pasal Pekit Kumang - Berita Iban Online

Header Ads

  • Baru Nyadi

    Buah runding pasal Pekit Kumang

    Gambar pemenang Pekit Keling & Kumang 2018.

    MIRI: Pekit Keling & Kumang RNI 2018 udah tembu kena Hari Enam, 14 April 2018. Meri pengaga ati ngagai semua pemenang. Sigat sereta bajik magang bala keling enggau kumang.

    Raban BeritaIban.com bisi macha buah runding tauka penemu ba status Champion Kumang RNI 2018 ke dipansutka Frevirra PearlII ba facebook.

    Penemu ia ti dipantaika Frevirra endang sigi amat sereta patut dipejalaika bala organizer tauka orang ke ngaga pekit keling enggau kumang jemah ila. Tu artikel ke ditulis iya ba facebook:

    Ba penemu aku senentang pengawa bepekit Kumang kemaya hari tu laban arus pemansang dunya.

    Kumang kelia ukai mina bajik ba mua tang iya mega landik senentang pengawa indu baka betenun kain, beranyam enggau nemu ngereja pengawa indu ke bukai.

    Nyadi ngasai kediri rebak baru diatu, engka enda ga nemu betenun, kena nganti nya dia deh pekit diatu bisi sesi ‘Question & Answer’ awakka bala juri ulih merati tauka meri markah (menilai) enggau adil bala kumang ke bepekit.

    Ukai semina bajik ba mua tang meh pintar serta ulih nyaut tanya saut ke diberi bala juri.

    Enda salah mega bepekit enda besido (make up) enti ka meda mua bala kumang enda besido (make up), tang laban maya bepekit bala kumang sigi endang disido (natural make up) kebenar ia laban nya meh tadi, pekit diatu nitihka arus pemansang dunya.

    Pia mega ngepan diperati (dinilai) pan kena ngetan ke kereban ngepan kitai Iban, enti kitai enda mantaika keresa lama kitai sapa dikarapka kitai agi deh?.

    Sayau keresa lama bala temaga enggau pirak enda diayanka enggau manah.
    ke batang endar, tusun ngepan nitihka stindit orang kelia (kemas) sereta manah dipeda, chara pejalai kumang mai diri atas panggau mega bisi diberi markah (dinilai).

    Laban Kumang diatu dipeda ari mayuh chara ukai semina bajik enggau ngepan dikena iya.

    Pemintar enggau pengelandik siku-siku kumang ulih ngangkat ke bansa kitai mega. Munyi ku jaku orang putih ‘Beauty With Brain’.

    Penemu ti manah pasal pekit keling enggau kumang. Kami nyukung penemu Frevirra tu 100%.

    Ngarapka bala organizer ulih ngubah chara ngaga pekit keling enggau kumang nitihka arus pemansang. Aram meh kitai sama bela ngetanka adat enggau main asal aki ini kitai kelia.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads