DAP nerima Norina Umoi nyadi chalun PH di Sri Aman - Berita Iban Online

Header Ads

  • Baru Nyadi

    DAP nerima Norina Umoi nyadi chalun PH di Sri Aman

    Leon Jimat Donald (kiba) enggau Norina Umoi (kanan)

    KUCHING: DAP pampang Sri Aman kemari mutus nerima pengari PKR Norina Umoi nyadi chalun Pakatan Harapan (PH) ungkup Pengawa Bepilih Besai Ke-14 (PRU14).

    Berindik enggau nya, Chairman DAP Sri Aman Leon Jimat Donald madah DAP deka nyukung sereta nyaup Norina ba pengawa bekimpin lalu nentuka pemujur chalun PH nya.

    “DAP Sri Aman sehari tu bisi ngadu aum enggau PKR pampang Sri Aman ke alai raban ketuai pampang setuju nerima Norina Umoi nyadi chalun PH di penuduk parlimen Sri Aman,”ku Leon ke mega Mandal Presiden DAP Sarawak.

    Kemari mega ku Leon Komiti Pengawa Bepilih PH ti diarika ketuai dalam DAP Sri Aman enggau PKR Sri Aman udah ditumbuh.

    “Kami semua berakup sereta  komited deka menang ba Sri Aman ke alai penuduk tu nyadi sebengkah agi penuduk ke ulih dirampas lalu nyaup juluk ngerampas Putra Jaya.

    “Aram kitai di Sri Aman nyukung Pakatan Harapan, kitai meseti  nyelamat Malaysia,” ku Leon.

    Bela datai ba aum nya chalun PH Norina Umoi, Direktor Operasyen PH Nicholas Mujah, Sekretari Publisiti DAP Sri Aman Alexander Frusis enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads