Header Ads

  • Berita Tebaru

    Feri lungkup, 7 selamat, siku lenyau

    Feri lungkup

    BINTULU: Siku lelaki dipelabaka lemas enggau tujuh iku selamat pengudah feri ke ngangkut barang lungkup lalu karam di Sungai Pandan, ditu, urung jam 12.30 malam tadi.

    Ketuai Balai Bomba enggau Penyelamat Bintulu, Mohamad Meramit, madahka mansa ke lenyau nya dikelala enggau nama Mohd Dzulhiqmi Delphen, 23, penatai ari Kampung Burung, Jalai Bakawali, Lahad Datu Sabah.

    Tujuh iku orang ke nepan feri nya mujur nyelamatka enggau nyemerai ke tebing sungai.

    "Maya penusah nya nyadi, feri bisi ngundan empat lori ke sarat enggau sawit bekejang ari Pangkalan Feri Ladang Sungai Pandan nuju ke Jeti Sungai Pandan. Maya benung ngelayangka seberai, feri nya lungkup alu ngejungka karam," ku Mohamad.

    Semua lori ke sarat mai sawit nya tenggelam ke dalam Sungai Pandan.

    Mohamad madahka operasyen ngiga enggau nyelamat (SAR) benung dipejalaika belabuh ari tumu pagi tadi, penyauh radius 30 nyentukka 50 meter ari endur feri nya ke karam. #BeritaHarian

    No comments

    Post Top Ad