Header Ads

  • Berita Tebaru

    Floating Solar sebengkah agi chara nyendia bekal kuasa

    Abang Johari(dua kiba) bejadi LONGHi Kuching sehari tu.
    KUCHING: 'Floating Solar' sebengkah agi teknologi ke tau ngemansut kuasa sereta engkeman dikena di menua pesisir.

    Kepala Menteri, Datuk Patinggi Abang Johari Tun Openg madah teknologi nya ulih dipasang di Palan Hidro Lekterik (HEP) di nengeri tu.

    Berindik enggau nya, iya ngenataika pinta ngagai LONGi Green Energy Technology Co.Ltd.(LONGi) ngambi ulih ngaga 'Floating Solar' di palan HEP baka ke di Bakun.

    "Sarawak (HEP) ngemansut kuasa nengah turbin lalu kompeni ari menua China ulih berundingka chara masang 'Floating Solar' ba atas ai lalu nyimpan kuasa.

    'Konsep tu tau nyendia kuasa (lektrik) ngagai rumah panjai iya nya kandang menua pesisir,"ku Abang Johari mansutka jaku nya rambau bejadi LONGi (Kuching) Sdn Bhd di Taman Teknologi Tinggi Sama Jaya sehari tu.

    Enti konsep nya mujur, iya pechaya teknologi nya deka ngaga ubah ba ekonomi nengeri.

    Ketegal nya Abang Johari ngarap LONGi ulih nangkup pinta nyendia 'Floating Solar' ngambi ulih sama bela ngemansutka kuasa kelimpah palan HEP.

    Kelimpah HEP Bakun, Sarawak mega bisi HEP Batang Ai, Murum enggau Baleh ke benung digaga. #UtusanBorneo

    No comments

    Post Top Ad