Industri dagang temuai dalam nengeri meseti dikemansang chakah agi - Berita Iban Online

Header Ads

  • Baru Nyadi

    Industri dagang temuai dalam nengeri meseti dikemansang chakah agi

    Abdul Karim mansutka jaku nya ba aum pengarang berita pengudah bejadi Sarawak Borneo Cross Country Rally 2018 di iCom Square ditu, pagi tadi.
    KUCHING: Dagang temuai dalam nengeri meseti dikemansang ngambika rayat bulih pemaik ari pengawa ke bekaul enggau industri nya.

    Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah kitai enda ulih diau jenuh aja lalu nganti penatai temuai.

    "Kitai meseti nusun pengawa ke tau matak orang dagang temuai tauka penyereta datai.

    "Dikena ngemujur juluk nya, perintah deka ngemanah servis ke dikearap tau ngangkat Sarawak nyadi palan dikerindu orang dagang temuai,"ku iya.

    Ngenang kaul ke sama, iya mega ngelalau kompeni meri kerejasama sereta ngadu program ke bekaul enggau dagang temuai.

    Ku iya, kitai enda ulih bepanggai ba perintah aja ba semua pekara tang perintah ulih meri sukung ngagai kompeni ti ngadu program sereta ngelaku industri dagang temuai di nengeri tu.

    Sentang program pagi nya, Karim madah Jelajah Borneo nya deka diadu berengkah 3 nyentuk ngagai 14 Ogos 2018.

    Pejalai orang bebai mutusikal besai deka berengkah ari Kota Kinabalu ke Brunei lalu lanjur ke Miri, Bintulu, Sibu sereta Kuching.

    Ari Kuching sida deka ke Pontianak sereta Singkawang (Indonesia) sebedau pulai baru ke Kuching. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads