Header Ads

  • Berita Tebaru

    Injil Seharitu: Hari Dua, 24 April 2018, dalam Minggu Keempat Musim Paska

    Injil Seharitu: Hari Dua, 24 April 2018, dalam Minggu Keempat Musim Paska:

    John 10: 22 - 30

    Lebuh maya nya Gawai Penyerah benung nyadi di Jerusalem. Musin lebuh maya nya endang musin chelap, lalu Jesus bejalai dalam Rumah Sembiang, dalam Serambi Solomon.

    Nya alai orang Judah lalu begelumu ngelingi Iya, lalu bejaku ngagai Iya, “Ni pengelama Nuan mengkang enggai madah ngagai kami?. Enti Nuan amat Kristus, padahka ngagai kami enggau terang.”

    Disaut Jesus, “Aku udah madah ngagai kita, tang kita enda arap. Pengawa ti dikereja Aku dalam nama Apai Aku, besaksika pasal Aku, tang kita enda arap, laban kita ukai bedus Aku.

    Bedus Aku mendingka nyawa Aku. Aku ngelala sida, lalu sida nitihka Aku.

    Aku meri sida pengidup ti meruan belama iya, lalu sida enda mati. Nadai orang ulih ngerampas sida ari jari Aku.

    Utai ti udah diberi Apai ngagai Aku besai agi ari semua utai bukai, lalu nadai orang ulih ngerampas sida ari jari Apai. Kami Duai Apai endang siku.”
    #InjilTuhan #MichaelIli

    No comments

    Post Top Ad