Header Ads

  • Berita Tebaru

    Injil Seharitu: Hari Empat, 19 April 2018.


    Injil Seharitu: 19 April 2018.
    Hari Empat dalam Minggu Ketiga Musim Paska.

    John 6:44 - 51

    Ku Jesus bejaku ngagai orang mayuh:
    Nadai orang ulih datai ngagai Aku enti Apai ke udah ngirumka Aku, enda ngasuh iya, lalu Aku deka ngangkatka iya ba hari ti penudi.

    Endang udah ditulis dalam bup sida nabi, ‘Lalu semua sida deka diajar Allah Taala.’ Genap iku orang ke udah ninga lalu belajar ari Apai, datai ngagai Aku.

    Ukai reti nya orang bisi udah meda Apai, kelimpah ari Iya ke datai ari Allah Taala. Semina Iya aja ke udah meda Apai.

    Enggau bendar Aku madah ngagai kita, barang sapa arap deka bulih pengidup ti meruan belama iya.

    Aku tu meh roti pengidup.
    Aki ini kita makai mana di menua puang, tang sida mati.

    Tu roti ti nurun ari serega, ngambika orang makai iya lalu enda mati.

    Aku tu roti ti idup, ke nurun ari serega. Barang sapa makai roti tu deka idup belama iya, lalu roti ti deka diberi Aku kena ngidupka dunya nya tubuh Aku Empu.” #InjilTuhan #MichaelIli

    No comments

    Post Top Ad