Jaku Pesan ari Pemenang Keling Raban Ngepan Iban Renggat Negeri Sarawak 2018 - Berita Iban Online

Header Ads

  • Baru Nyadi

    Jaku Pesan ari Pemenang Keling Raban Ngepan Iban Renggat Negeri Sarawak 2018

    Pemenang Keling Raban Ngepan Iban Renggat Negeri Sarawak. (Sylvester Dakun Ak Seman)

    Salam sayau, salam rindu. Minta ampun enti sema penemu aku tu enda betul ba penemu kita.

    Nyadi, aku ka mantai ka anak penemu aku senentang pekit keling kumang tu. Aku paling setuju enti sema pekit nya diatur.

    Kelimpah ari mantai ke main asal kitai iban kelia baka ke udah diatur RNI tu empai lama laban menua diatu semakin nyulut mansang,nyadi main asal Kitai iban nyau majak ketisi tauka tenggelam.

    Maya ngatur pekit bakatu meh kitai deka mantai ke main asal kitai kelia, laban enti ukai kitai sapa agi diarap ke kitai enti ukai kitai empu.

    Pia mega ngagai penganjur ke ngatur pengawa, kena mutus ka pemutus pemenang penganjur mega mesti ka bepikir ngiga juri ka mayuh tejuka ulih nyeliahka penemu ka enda betul baka bepilih kasih sereta milih pemenang ari bala diri empu (RNI 12 iko juri lalu 3 iko juru audit).

    Enda salah kitai bechunto ke pekit bukai baka pekit ba sitak antarabangsa laban dalam enda sedar pekit keling kumang tu pan ulih maju agi selangkah ke mua.

    Nyadi kitai sama sama mega tau betulung tauka meri jaku peransang ngagai sida ke ngatur pekit tu ngambi ke main asal tu enda jauh ketisi..

    Kelimpah ari ke bajik tauka sigat, orang kelia sigi landik ngaga pengawa, ngambi ke chunto, bejawang, bepantun, betenun, berenong enggau mayuh agi enda alah rintai ka.

    Nyadi kitai tu meh orang rebak baru deka nampung pengawa sida ya kelia ngambika di ingat sampai jemah ila.

    Nya alai, nembiak rebak baru deka angkun ke pengawa bansa kitai iban tu laban nya meh reta pesaka kitai ti berega ke ditinggal ke aki ini kitai kelia.

    Kelimpah ari bempu ke ngepan ke manah enda ngira ngepan lelaki tauka ngepan indu..

    Nyadi, anang semina landik aja ngenyaku ke bala ti enggau bepekit laban sida ya angkun ke pengawa tu, ati sida tu besai jauh agi ari deka bejaku nganu urang tang nadai mansut ka asil.

    Terima kasih udah macha sada penemu aku.

    #RNI2018
    #kelingRNI2018
    #dutaRNI2018/2019

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads