Kada aku ulih tebayarka bil sepital tu, ku Aquaris - Berita Iban Online

Header Ads

  • Baru Nyadi

    Kada aku ulih tebayarka bil sepital tu, ku Aquaris

    SINU: Aquaris begulai enggau anak iya ba sepital.

    Selamat tengahari Hari Empat, 26 April 2018 pemacha semua. Kemari raban kami bisi nerima berita pasal penusah ke di tapi siku bala kitai bansa iban ke benama Aquarius Anak Bawi, penatai ari Sg Plan, block A 1 -5.

    "Kada aku ulih tebayarka bil sepital tu", ku sebana ati Aquaris ke benung tama sepital di wad lelaki lumor 13.

    Nitihka penerang ke diambi Berita Iban ari Francis Ngu Hown Hwa, Aquaris tama Sepital Nyabau, Bintulu ketegal penyakit kuman ba kaki enggau sendat seput.

    "Bini Aquaris, Agatha Herman ke gawa nyadi cleaner di SMK Asykirin, penyampau gaji RM950 sebulan. Diatu  pan udah badu gawa ketegal buan baby Agdelia (anak seduai iya) ke agi mit beumur setaun lebih.

    "Aquaris bisi tiga iku, anak iya ketuai nama Aguriel Anyok Primari 6 (lelaki), anak iya ke lumor dua nama Aqarin Lemok Primari 4 (indu) enggau anak iya ke lumor tiga nama Agdelia Ulai ke beumur 1 setaun lebih (indu).

    "Anak Aquaris diatu nyau enda nurun sekula ketegal nyaga tauka ngibun apai iya ke benung sakit ba sepital." Ku Francis.

    Nuju sapa ke deka meri tulung ngena mata duit tau bank in ngagai:

    Nama Bank: Bank Muamalat
    Nama Akaun: Agatha Herman
    Lumur Akaun Bank: 1103-0014890-72-5
    Lumur Talipaun: 011-25079532 (Agatha)

    Aram meh kitai sama besampika Aquaris ngarapka iya jampat gerai. Nuju bini enggau anak iya mega, ngambika Tuhan ulih ngeringka ka ati sereta ulih besabar napi penguji tu. Amen..

    Mimit pan pemeri ari kitai tang besai reti tauka guna ba Aquaris anak Bawi enggau semua sida iya sebilik mega. Semina Tuhan aja ulih malas pemanah jasa semua kita. #BeritaIbanOnline

    Gambar enggau artikel tu mega bisi dipansutka kami ba Facebook Pages "Berita Iban Online" tau dibacha nuan ba ditu: https://www.facebook.com/BeritaIban/

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads