Header Ads

  • Berita Tebaru

    Kena Jil tiga hari, ukum RM2,000 ketegal enchuri bawang

    Dua iku polis mai orang dituduh (tengah) tama ke kort.

    AYER KEROH: Ketegal enchuri bawang rega RM11.26 di sebuah pasar raya, siku orang ke gawa nyadi 'khidmat pelanggan' dijil pengelama tiga hari enggau ukum mata duit RM2,000 ari Mahkamah Majistret ditu, kemari.

    Majistret Mohd Firdaus Saleh macha enggau meri ukum nya ba siku lelaki penatai ari India, Rahaman Sukuler, 28, pengudah iya ngaku diri salah.

    Orang ke dituduh tu mega tau dikenaka ukum jil pengelama dua bulan enti enda ulih mayar ukum tu.

    Nitihka penerang ari orang ke ngeripot kes tu, orangka dituduh tu gawa di begian 'khidmat pelanggan', Zara Mydin Melaka Sentral dipadahka bisi ngembuan ati ti chelum enggau enchuri dua kambut pelesetik bawang besai (bawang bakung) ungkus mata duit  RM11.26 ke diempu kompeni nya urung jam 12.04 tengah malam, kena 6 Mac 2018.

    Orang ke dituduh tu ditan nitihka Genteran Seksyen 381 Kanun Keseksaan ke ngungkupka ukum jil maksimum tujuh taun enggau denda.

    Sapit Pendakwa Raya N Sivashangari minta meri ukum ti engkeman ba orangka dituduh nya laban iya bisi gaji tetal enggau enda patut enchuri. #BeritaHarian

    No comments

    Post Top Ad