Ketuai raban bansa nyadi jematan rayat enggau perintah - Berita Iban Online

Header Ads

  • Baru Nyadi

    Ketuai raban bansa nyadi jematan rayat enggau perintah

    UGGAH
    SARIKEI: Ketuai raban bansa bisi tanggungpengawa beguna amat nyadi penyambung rayat enggau perintah ba atur pengawa nengeri tu.

    Sapit Kepala Menteri, Datuk Amar Douglas Uggah Embas madahka bala ketuai raban bansa patut sedarka tanggungpengawa sida ngagai bala komuniti di renggat baruh besai amat lalu ukai semina difokus ngagai siti pekara aja, tang mungkur mayuh agenda.

    “Nyadi siku ketuai ti semak di renggat baruh, ketuai raban bansa patut nambahka pengelandik diri sereta patut mantaika diri ulih dikeandal gawa nyadi ketuai dipebasa bala komuniti.

    “Kena memanah pechaya enggau pengandal ti udah dilempai lalu nyadi ketuai ti lurus maya bejalaika tanggungpengawa diberi,” ku iya.

    Iya mansutka jaku nya lebuh bejadika Seminar Pemansang enggau Ketuai Raban Bansa Renggat Nengeri Sarawak Bagi Menua Betong enggau Sarikei, udah diatur di Balai Sentral Sarikei, lemai kemari.

    Seminar tu diatur OPis Kepala Menteri enggau kerejasama Angkatan Zaman Mansang Sarawak (AZAM Sarawak) sereta udah digulu urung 1,000 iku ketuai raban bansa ari kandang menua nya.

    Nitih ku Douglas, bala ketuai raban bansa mega nyadi mata enggau pending perintah, lalu gawa ngenataika penerang enggau polisi dipejalaika perintah ngagai bala komuniti.

    “Raban tu patut ngaul diri semak enggau ejensi perintah ngambika sida nemu tetiap pengerembai enggau pelin pemansang dipejalaika perintah ungkup rayat.

    “Penemu enggau kaul rat enggau ejensi perintah tu beguna amat nentuka renggat baruh dipegai sida seruran nerima penerang pemadu baru, kelebih agi pasal pengawa perintah ti chakah mantu rayat.

    “Ari chara tu, kitai andal komuniti, kelebih agi menua ulu enda tinggal sereta seruran nyingkang begulai enggau juluk perintah nentuka komuniti terus mansang begulai lalu nadai tinggal,” ku iya nambah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads