Laki bini dipelabaka lemas di Sungai Kampung Semarang
Cari Berita

Advertisement

Laki bini dipelabaka lemas di Sungai Kampung Semarang

Chief Editor | Berita Iban MY
April 18, 2018

Raban Penyelamat APM benung nyediaka perau kena ngiga mansa ke lenyau.

PUSA: Laki bini dipelabaka lemas di Sungai Kampung Semarang urung jam 1.14 lemai tadi.

Nitihka penerangka diterima BeritaIban.com, mansa ke dipelabaka lemas dikelala enggau nama Yunus Bin Morni, 58 taun enggau bini iya ke benama Zahara Binti Hamzah, 47 taun.

Mansa ke dipadahka lenyau di sungai nya pengudah peranak menua nya nemu seduai iya nadai ayan tauka pulai ke rumah.

Berebak enggau nya, raban Penyelamat (APM) udah dikanggau ngena talipaun ngambika ulih nulung ngiga mansa nya.

Kediatu, operasyen ngiga mansa ke lenyau benung dipejalaika raban APM, Bomba, Polis enggau peranak menua nya. #BeritaIban