Lelaki ngena motosikal bebadi belantak enggau lori - Berita Iban Online | Laman Web Berita Kitai

Header Ads

  • Baru Nyadi

    Lelaki ngena motosikal bebadi belantak enggau lori

    Ba palan penusah nyadi di jalai Bakong-Meradong urung jam 5.30 lJalai Bakong-Meradong urung jam 5.30 lemai kemari.emai kemari.

    BINTANGOR: Siku lelaki ke ngena motosikal bebadi, pengudah motosikal ditepan iya tepawah lalu ngelaban arus jalai ngejungka belantak enggau lori di Jalai Bakong-Meradong urung jam 5.30 lemai kemari.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madah mansa ke bebadi nya dikelala enggau nama Among Lungau, 54 taun, penatai ari Rumah Suring, Sungai Pidik Meradong.

    “Asil pansik tumu mansa nya benung ngena motosikal ari jalai Meradong nuju ke Sibu.

    Dipelaba maya nengah siti jalai betiku ba palan penusah, motosikal nya tepawah lalu nengah jalai ke ngelaban arus sebedau belantak enggau lori nya.

    “Ketegal belantak enggau lori mansa disahka raban Perubat bebadi ba palan penusah ke nyadi,” ku iya madahka raban media kemari.

    Berebak enggau nya, bangkai tauka tubuh mansa dianjung ke Sepital Sarikei seraya nganti pansik ke nyentuk agi.

    Kelimpah ari nya, deriba lori enggau tiga iku penumpang diripotka selamat lalu nadai bakal.

    Kes tu dipansik ari baruh Genteran Seksyen 41 (1) Akta Pengangkutan Jalan (APJ) 1987. #BeritaIbanOnline

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads