Header Ads

  • Berita Tebaru

    Meri bantu ngagai baby Felliana

    KASIH AMAI: Baby Felliana megai bup benung diberap indai iya.

    Selamat malam Hari Enam, 21.04.2018 bala pemacha semua. Kesekali tu, raban kami deka bekunsika cherita pasal siku anak mit benama Felliana (Baby) ke bisi penyakit 'liver disease' di Kampung Dayak, Sg Plan, Bintulu.

    Nitihka penerangka diterima Berita Iban ari Francis Nyu Hown Hua, raban Extrameal Bintulu, madahka laki Monica udah lama ninggalka iya enggau baby ke benama Felliana Seti sereta nadai mulaika diri ke rumah nyentukka seharitu.

    "Udah gak baby diatu benung sakit 'liver Disease', dini maya penyakit iya nya ulih datai. Tu pan iya baru pansut ari sepital nukar darah minggu nyin kemari. Tambah mega perut pan iya nyau majak besai seharitu tadi," Ku Francis.

    Kediatu, Monica (Indai Baby) baru aja belabuh gawa partime nyadi 'cleaner' enggau Felliana (Baby) ke beumur setaun 10 bulan di ibun ini iya.

    Pengidup Monica enggau baby iya diatu semina bepanggai ba apai (Aki Felliana) enggau menyadi iya (Aya Felliana). Laki iya tauka Apai Felliana udah lenyau sereta nadai nemu berita agi.

    Tuju raban Berita Iban ngemansutka artikel tu laban deka minta mensia mayuh meri bantu 'pemeri' tauka ngelempungka tating pengidup Monica, Baby Felliana enggau sida sebilik.

    Ngagai sapa ke deka meri susu, baby Felliana makai susu *Dumek Dugro 3 Madu enggau Pampers size *L*.

    Nuju sapa ke deka meri tulung ngena mata duit tau bank in ngagai:

    Nama Bank: Bank Simpanan Nasional
    Nama Akaun: Monica Lantang anak Kennedy (Indai Felliana)
    Lumur Akaun Bank: 13110-41-00011867-4
    Lumur Talipaun:  01125615991 (Monica)

    Aram meh kitai sama besampika Baby Felliana ngarapka iya jampat gerai.

    Mimit pan pemeri ari kitai tang besai reti tauka guna ba Monica, baby Felliana enggau sida iya sebilik. Semina Tuhan aja ulih malas pemanah jasa semua kita. #BeritaIbanOnline

    Gambar kebukai enggau artikel tu mega bisi dipansutka raban kami ba Facebook Pages *Berita Iban Online* tauka ulih dipeda nuan ba 'DITU'.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: