Norina pechaya PH ulih menang di Sri Aman - Berita Iban Online

Header Ads

  • Baru Nyadi

    Norina pechaya PH ulih menang di Sri Aman

    NORINA
    KUCHING: Pakatan Harapan (PH) pampang Sri Aman ke matak gempung PKR Sri Aman enggau DAP Sri Aman pechaya ulih ngerampas penuduk P202 Sri Aman ari Barisan Nasional (BN) ba Pengawa Bepilih Besai Ke-14 (PRU14).

    Chalun potensyel PH Norina Umoi madah nengah atur numbuhka komiti PH Sri Aman ke diarika DAP enggau PKR, iya pechaya gempung nya nempa peluang ke manah agi enti dibandingka enggau pengawa bepilih ke udah.

    “Aku nadai napi sebarang pemar enggau Leon ( chairman DAP Sri Aman) baikka nya ba kaul entara kami duai sereta parti.

    “Leon udah mutuska DAP Sri Aman deka mantu aku ba pengawa bepilih serak tu ke alai aku ngelaluka kerejasama tu lalu deka nyingkang ke mua tegap agi,”ku Norina.

    Leon nengah surat penerang berita kemari madah DAP Sri Aman deka nyaup chalun PH nengah Komiti Kerejasama entara kededua parti ke baru ditumbuh.

    Ngenang kaul ke sama, Norita nambah PH bisi peluang menang di Sri Aman pengudah Parti Rakyat Sarawak (PRS) bisi napi penyarut dalam parti.

    Pekara nya ku iya ditambah enggau isu entara presiden PRS Tan Sri Masing enggau sapit iya Datuk Joseph Entulu.

    “Kelimpah ari nya mayuh agi isu bukai di Sri Aman ke balat ngenusah pengidup rayat baka ke perengkaguna di menua pesisir, Sepital Sri Aman, tanah adat enggau ke bukai,”ku Norina.

    PRS disadang deka nyabung sapit menteri dalam menua Datuk Masir Kujat.

    Ba sentang pengawa bepilih 9 Mei, Norina ngarapka nadai undi ketiga ke tau ngeruga peluang PH menang.

    Ku iya, Parti Bansa Dayak Sarawak Baru (PBDSB) patut meri awak ngagai PH ngambika gempung nya nyatup BN, satu lawan satu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads