Header Ads

  • Berita Tebaru

    Nyamah bini, numpu entua

    Huda mantaika ripot polis pengudah nyadi mansa jamah laki iya empu. #MaryVictoriaDass

    JOHOR BAHRU: "Enti aku enda meri iya duit kena meli insap, laki aku alu malu pala enggau nyamah menyadi aku ke biak."

    Siku indu ke dikelala enggau nama Huda, 22, indai ke ngibun dua iku anak ke berumur dua enggau empat taun madahka lama iya tama belalai (menceroboh) ke rumah sewa indai iya di Tebrau kena 7 April 2018 alu nyamah iya.

    Huda enggau laki iya udah enda segulai serumah udah setaun, Huda mega madahka tu ukai keterubah iya nyamah aku.

    "Maya indai aku ngajar iya, laki aku alu numpu perut indai enggau meri jaku jai. Kelimpah ari nya, laki aku tama belalai ngagai rumah indai aku tiga hari bejurut.

    "Aku enggau indai udah ngaga lebih 10 iti ripot polis senentang kes tu. Aku udah berapa kali udah ngampunka iya ngichaka iya badu ngereja pengawa bakanya alu ulih berubah ulah.

    "Pengudah nirika rumah tangga pengelama lima taun, semua belanja pemakai kami sebilik, tusu enggau lampin anak ditanggung indai iya ke gawa ba pasar pagi.

    "Laki aku ke gawa di kilang kayu nadai kala kiruhka pasal kami,"  ku iya.

    Huda mega kala nyadi mansa orang ke ngumpul utang, ngasuh iya mayar RM2,000 penyampau duit ke dipinjau laki iya.

    Berebak enggau nya, Huda alu ngaga ripot polis kena 5 November taun nyin kemari di Balai Polis Pelangi Indah kena nyaga pengelikun sida sebilik.

    Kena 7 April 2018, menyadi laki iya ka berumur 19 taun mimit dak agi ka kena imbur iya ngena ai angat enggau dipasukka ke Hospital Sultan Ismail (HSI) ketegal stress 'tekanan perasaan'.

    Huda mega kala ka bunuh laki iya. Huda mai anak iya lari diau di rumah kaban enggau indai iya belalai di surau.

    "Aku ngarapka raban polis bejalaika mansik tauka nasat kes tu laban iya takut ke laki iya agi ngereja pengawa nya," ku iya.

    Berebak enggau nya, Ketuai Polis Pampang Johor Bahru Selatan, Asisten Komisioner Shahurinain Jais, madah bisi nerima lima iti ripot polis ke udah digaga pasal kes nyamah ba ruang bilik.

    "Tiga ripot digaga siku indu ke berumur 42 taun enggau dua iti ripot digaga indu ke berumur 22 taun.

    "Pengawa mansik enggau nyidi udah dipejalai enggai raban polis diatu benung ngiga suspek," ku iya. #BeritaHarian

    No comments

    Post Top Ad