Opis Imigresyen udah ngeluarka pasport baru ke likun agi dikena - Berita Iban Online

Header Ads

  • Baru Nyadi

    Opis Imigresyen udah ngeluarka pasport baru ke likun agi dikena

    Dato Masir Kujat
    SIBU: Opis Imigresyen di serata Sarawak udah ngeluarka pasport baru ti berat agi beratka pekara pengelikun dikena nyeliah pengawa niru tauka dikena orang bukai ngereja penyalah.

    Sapit Menteri Dalam Nengeri Dato Masir Kujat madah, opis Imigresyen ba Palan Transformasyen Mengeri (UTC) di serata nengeri udah ngeluarka pasport baru nya.

    “Kenyau ari taun nyin suba, Opis Imigresyen Sarawak udah ngeluarka pasport ke baru tu.

    “Suba pasport semina ulih diambi ba opis ti ditetapka aja tang diatu ulih dikeluarka ba semua UTC di serata nengeri,” pia ku iya maya berandau enggau pengarang berita, kilah ensana.

    Kaban Parlimen Sri Aman nya mega madahka iya pechaya pasport baru nya deka ngurangka agi kes enchuri pasport.

    “Enti dokumen tu dichuri, nya enda ulih ditiru baru tauka dikena orang bukai laban ti digaga enggau teknologi ke pemadu baru,” ku iya nerang baru.

    Taja pan baka nya, iya minta mensia mayuh nyaga pasport sida enggau manah.

    “Ngagai sida ke udah lenyau pasport baka ketegal ampuh bah, angus tauka dichuri kita meseti ngaga ripot polis enggau lengkas,” pia ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads