Header Ads

  • Berita Tebaru

    Pemidang Katis Noel pengelenyau ti besai ngagai perintah nengeri, ku Masing

    SIRU: Masing maya berandau enggau bini niang.
    SIBU: Pemidang Pemesai Opis Pelilih Menua Kanowit Katis Noel Nyabong pengelenyau ke chukup besai ngagai perintah nengeri tu.

    Sapit Kepala Menteri Tan Sri Dr James Jemut Masing madah, kebuah pia laban niang tu siku pengereja pengawa perintah ti manah.

    “Maya ke agi gawa enggau aku suba ba Opis Menteri Pemansang Tanah tauka sebedau dichiri nyadi Pemesai Opis Pelilih Menua Kanowit, niang endang orang ti mentas gawa.

    “Perintah nengeri berasai sinu enggau pemidang niang tu,” pia ku iya madah maya berandau enggau pengarang berita, kemari.

    Dulu agi ari tu iya disempulang penyandang Kaban Parlimen Kanowit Datuk Aaron Ago Dagang enggau Residen Sibu Charles Siaw datai meri basa kepenudi ngagai niang ba rumah niang di Kemuyang ditu.

    Masing mega madahka iya semampai deka datai nyema bini niang enggau tiga iku anak niang bekenaka bantu ari iya.

    Agi ngenang niang, ku iya, iya suba berasai berat amat deka ngasuh ngasuh niang pindah ketegal ti pemanah sereta pengeransing gawa niang ba opis menteri iya.

    Tang ku iya, niang enda ulih enda nerima nyadi Pemesai Opis Pelilih Kanowit ngambika ulih gawaka rayat ba pelilih nya.

    Niang, 49, peranak menua Song udah nadai ba Sepital Sibu pukul 4 pagi kena 15 April tu tadi.

    Pagi kemari, beratus iku mensia mayuh bela nyempulang pengawa nganjung niang ngagai Nirvana Memorial Park, Jalai Sibu-Bintulu. #UtusanBorneo

    No comments

    Post Top Ad