Header Ads

  • Berita Tebaru

    Pemutus sekali agi ngena ‘styrofoam’ dilempai ba semua PBT nengeri tu

    Penguang
    SIBU: Opis Menteri Perintah Menua enggau Pengawa Berumah bepanggai ba Opis Bekuasa Menua (PBT) baikka neritka adat tauka enda sentang pengawa bekenaka styrofoam.

    Menteri Muda opis menteri tu Datu Dr Penguang Manggil madah naka ke diatu piak sida empai bisi pemutus nagang pengawa ngena styrofoam ba serata nengeri.

    “Taja pan baka nya, PBT tau bejalaika pengawa bekaul enggau ngurangka agi tauka ngemaduka pengawa ngena styrofoam,” pia ku iya maya berandau enggau pengarang berita.

    Dulu agi ari tu iya dipinta meri penemu sentang Majlis Perbandaran Kota Samarahan (MPKS) nagang pengawa bekenaka plastik tauka styrfoam kena nungkus pemakai.

    Ba pekara bekaul nya, chairman Opis Kaunsil Menua Pesisir Sibu (SRDC) Sempurai Petrus Ngelai madahka piak sida udah neritka atur nagang ngena styrofoam mungkus pemakai kenyau ari bulan Februari 2017.

    “SRDC udah mansut surat tangkan sereta ngelalau piak ke empai nitihka atur tu,” ku iya madah.

    Sempurai madah, piak sida deka semampai bejalaika pengawa matau ngambika atur nya semampai dititihka.

    “Bisi mega sida ke beempu kedai madahka diri bekenaka styrofoam nya laban agi bisi laluh suba,” pia ku iya.

    Awak tu dikena iya ngelalau mensia mayuh badu agi ngena styrofoam ba tuju bela ngintu pemeresi rampa menua. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: