Header Ads

  • Berita Tebaru

    Penanggul nadai ai ti suah nyadi ngenusahka sida ke diau di Pasar Kapit, ku Paren

    PAREN NYAWI

    KAPIT: Penyuah penanggul nadai ai kelimpah tikas pemeresi ai enda manah nejuka sida ti diau ba Pasar Kapit diatu bepenusah bendar.

    Koordinator Parti Tindakan Demokratik Rayat (DAP) Kapit Paren Nyawi madah, penanggul nya nyadi taja diatu Pasar Kapit udah bisi dua buah Palan Ngubat Ai ti ulih ngeluarka 18 juta liter sehari.

    “Mensia mayuh ngena ai pemadu mimit 17 ngagai 18 juta liter ai sehari lalu penyampau ai ke dikeluar dua buah Palan Ngubat Ai ke diatu enda chukup ketegal penyampau peranak Pasar Kapit majak nambah.

    “Palan Ngubat Ai ti pemadu baru iya nya berengkah dikena tengan taun 2013 ti diatu udah lima taun dikena enda tetapika penyampau tubuh ke ngena ai ba Pasar Kapit,” pia ku iya madah ngagai pengarang berita, kemari.

    Paren madah, kelimpah enda chukup ai, ai ba Pasar Kapit mega enda tentu beresi dikena.

    Berindik ari nya, iya ti mega chalun DAP bediri ba Parlimen Kapit maya Pengawa Bepilih Besai Ke-14 (PRU14) ti deka datai andal amat sebuah agi Palan Ngubat Ai digaga ba Pasar Kapit.

    “Nya alai, kitai minta Opis Bekal Ai Menua Pesisir (JBALB) ari baruh Opis Menteri Menua Pesisir enggau Kandang Menua (KKLW) ngungkupka agih dikena ngaga Palan Ngubat Ai Ke-3 ba ditu.

    “Kelimpah ngira penusah rayat ditu, tu mega seririh enggau tuju penumbuh program JBALB ti deka nyedia sereta nyambung mayuh agi bekal ai beresi ngagai rayat,” ku iya madah baru. #UtusanBorneo

    No comments

    Post Top Ad