Pengawa lumba pelasar manah nempa nembiak regas berunding - Berita Iban Online

Header Ads

  • Baru Nyadi

    Pengawa lumba pelasar manah nempa nembiak regas berunding

    JALONG
    MARUDI: Sapit Pemesai Pelajar Baram, Jalong Wan madahka lumba nyadi pelasar pemadu manah dikena nyeridi bala nembiak sekula regas ari sukut batang tubuh enggau runding. 

    Nengah latih tu enggau meruan sereta sebela ari tetiap pekara nyengkaum runding, batang tubuh, pala patung enggau tetiap pengasai.

    Lumba mega ulih nempa genap iku nembiak enggau tanggungpengawa, disiplin, pengandal diri ti tinggi sereta ngembuan prinsip nyadi ketuai. 

    Nya alai, ku iya nambah, siku nembiak siti lumba antara tagit keterubah dikena nyapai polisi ti disebut.

    Pekara tu meseti bisi ngagai tetiap iku nembiak ti regas sereta bepengerai ngaul diri ba aktiviti lumba di sekula lalu ukai semina nempa pengelantang dalam lumba aja, tang mega ngerepitka kaul enggau diri sebilik di sekula sereta bala komuniti di menua nya.

    Iya deka nempa pengandal ngagai pemujur enggau nyulut agi. 

    Pekara tu udah dipansutka Jalong Wan lebuh iya ngarika Pemesai Pelajar Baram, Sarifah Azizah Wan Hussein, bejadika Lumba Ninting Taun Ke-15 SMK Telang Usan 2018 diatur di Miri Stadium Marudi ditu, pagi kemari. 

    Pengandal tu ukai reti nentuka kita nyadi champion tauka menang dalam tetiap pekit, tang pekara beguna agi iya nya karnival tu ngajar bala nembiak enggau pemujur sida ti dijapai nengah pengeransing enggau disiplin sida. 

    Ari pemar enggau pelin ti meruan, ukai muntang deka nyapai pemujur tang nengah pengepuh diri.

    Karnival tu mega nyadi pelasar ngagai penyerakup, ulah bebasa enggau semangat gawa begulai sereta mega nempa sebuah komuniti enggau peranak Malaysia ngembuan pengeliat, semangat taluk sereta sayauka menua. 

    Lumba mega nyadi aktiviti ungkup bala nembiak ngambika sida enda nyadi siku ari ngereja aktiviti enda menuku, enti sema sida ngaul diri ba lumba bepengerai. 

    Nengah latih tu, runding ditempa lalu semangat nyadi siku ari pemain ke alai ba sebarang latih deka ulih besemekih dalam semangat tinggi.

    Lumba mega deka nempa modal mensia ti ngembuan runding lalu ingat nyadi mensia ti beguna dudi hari.

    Ngelansa pasal lumba nya udah dibagi ngagai empat rumah benama Geruda, Helang, Rajawali enggau Kenyalang.

    Ba pekit lumba nya, Champion dipenggi Rumah Geruda, lumur dua Rumah Helang lalu ketiga Rumah Rajawali. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads