Perintah nyendia mayuh perengkaguna ungkup raban orang pinchin, ku Sim - Berita Iban Online

Header Ads

  • Baru Nyadi

    Perintah nyendia mayuh perengkaguna ungkup raban orang pinchin, ku Sim

    Dr Sim bejaku ba Pengerami Pengingat 2017 & 2018 ke diatur Opis Pengerai Nengeri Sarawak ba sebuah hotel ditu, kemari.

    KUCHING: Perintah nyendiaka mayuh perengkaguna, inisiatif enggau pekara baru ungkup pengelantang pendiau orang pinchin enggau orang ke nyau deka pinchin.

    Menteri Kaunsil Kandang Menua enggau Pengawa Berumah, Datuk Dr. Sim Kui Hian madahka, nya ngayanka perintah amat beratka raban nya.

    Entara pekara pemadu baru ti dipadahka perintah ngagai raban pinchin iya nya nyendiaka servis mekal ubat enggau kereban ngagai raban pinchin gawa ari servis perintah besai enggau Veteran bepinchin sereta diri sebilik ke patut ke dipejalaika Opis Menteri Pengerai Malaysia.

    “Dikemendar ngnati kemisi pinchin lebih 150 hari dikena nyadi Cuti Rehat ba taun persaraan berengkah 1.1.2018.

    “Penyampau pinchin pemadu baruh ditanbah ngagai pegawai ke bisi ambis nadai 25 taun gawa ulih diikira ari RM950 ngagai RM1,000.00 sebulan.

    “Pegawai ti diasuh bersara ketegal pengerai (ASK) diberi Faedah Persaraan ti ngira timpuh baka servis  nyentuk umur meseti pinchin,” ku iya.

    Dr Sim mansutka pekara nya lebuh bejaku ba Pengerami Pengingat 2017 & 2018 ke diatur Opis Pengerai Nengeri Sarawak ba sebuah hotel ditu, kemari.

    Iya madahka entara ke bukai baka nikika penyampau pinchin ngena chara one-off ungkup taun 2018 (1 peratus), meri Geran Khas ngagai Persatuan Pesara ungkup taun 2018 enggau netapka Kuota Haji ungkup Persatuan Persara Kerajaan.

    “Tu ngayanka perintah seretan ngemerat sereta bisi ati meri ke pemadu manah ngagai pesara ke kelai terima kasih ngagai servis ti kala diberi ngagai perintah,” ku Dr. Sim.

    Ba pengerami nya bisi 310 iku ke udah bersara sereta nyau deka bersara ba taun 2017 enggau 2018 ari Zon Selatan Sarawak ti mungkur Kuching ngagai Sri Aman, dikerami kemari.

    “Tuju pengerami diatur dikena ngingat sereta meri basa ari opis ngagai kita ke udah bebedar gawa meri servis ti udah ngemujurka Opis Pengerai Nengeri Sarawak nyadi sebengkah opis ti meri servis pengerai engkeman ngagai raban bansa ba Sarawak sekalika ba mengeri enggau menua pesisir,” ku iya.

    Berebak enggau tu Dr Sim mega ngelalu raban pesara enggau ke nyau deka bersara nya ngambika ngemeratka pengerai diri sereta ngereja pengawa ke meri penguntung ngagai diri kelimpah ari meri awak diri begulai enggau diri sebilik.

    Sama bisi datai ba pengerami nya Direktor Opis Pengerai Nengeri Sarawak Dr Jamilah Hashim sereta ke bukai.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads