Pesan Pemati: RIP Ambrose anak Kaya
Cari Berita

Advertisement

Pesan Pemati: RIP Ambrose anak Kaya

Chief Editor | Berita Iban MY
April 28, 2018

RIP Ambrose anak Kaya
RIP Ambrose anak Kaya.

Selamat lemai Hari Enam, bala pemacha semua. Raban 'Berita Iban Online' bisi nerima Pesan Berat tauka Pesan Pemati ari Kaya anak Ansi tauka Apai Ambrose anak Kaya, mesanka kaban belayan:

Batang Mukah
Batang Selangau Sibu
Nanga Jagau
Kanowit
Sibu Jaya
Bintulu
Balingian
Nanga Ngungun
Kaban belayan di Segan ba Rumah Igoh
Kaban belayan di Niah, Rumah Ngindap
Rumah Selan di Sebatu Niah

Enggau semua kaban belayan ke ngelala niang Ambrose anak Kaya.

Kita dipinta datai ngagai Rumah Seli, Nanga Senunok, Ulu Mukah laban Ambrose anak Kaya udah nadai kena 28.04.2018, Hari enam.

Lalu deka dikuburka kena 01.05.2018, ia nya Hari Dua.

Nitihka penerang ke diterima Berita Iban Online, Ambrose tu udah nadai di Bintulu lalu bangkai tauka lungun iya dibai ke rumah panjai ba Rumah Seli, Nanga Senunok, Ulu Mukah kena 29.04.2018 (Hari Minggu).

Kami ari raban BeritaIban.com ngarapka semua sida niang Ambrose anak Kaya sebilik ulih ngering ati napi penguji tu. Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama. RIP..

Petara sigi ngibun iya lalu ngintu iya ba pengidup ti baru din. Besampi ngagai Petara ti bemulia awakka semengat niang begulai manah enggai iya di Serega..
Tau dikunsi (share) ba Facebook, Whatsapp tauka meda rama kebukai, ngambika semua kaban belayan ke dipesanka ulih datai enggau nemu pasal pesan berat tauka pesan pemati tu. Terima kasih semua.