Program Sejiwa Senada deka diatur ba Bintangor, 28-29 April - Berita Iban Online

Header Ads

  • Baru Nyadi

    Program Sejiwa Senada deka diatur ba Bintangor, 28-29 April

    Logo Program Sejiwa Senada 

    BINTANGOR: Program Sejiwa Senada deka diatur di Stadium Bola Keranjang Bintangor, berengkah ari 28 nyentuk 29 April, ujung minggu tu.

    Sepenyampau 38 ejensi perintah ngambi bagi lalu mensia mayuh bisi peluang ngusung lebih 40 bangsal pengawa mandang sepanjai atur program nya.

    Program mega deka meri peluang ngagai bala komuniti di menua nya enggau sida ti besemak ngulihka servis perintah, penerang sereta penyanding penemu ari bemacham ejensi perintah, sarikat bekaul perintah (GLC), gempung ukai dikuasa perintah (NGO) sereta raban peribit.

    Program Sejiwa Senada nyadi siti ari inisiatif perintah nengeri ngaul rayat semak agi nengah aktiviti gawa ngagai renggat baruh ngemai bemacham servis besai seriris enggau rambai jaku Perintah Begulai Enggau Rayat.

    Iya mega nyadi palan sekali ngetu ungkup raban perintah, GLLC, NGO enggau raban peribit meri servis terus ngagai rayat.

    Bela bisi diatur iya nya Sarawak Kitchen ti ngenahka bemacham bansa pemakai enggau ai irup seraya diperindang raban buskers menua tu.

    Perais besai chabut benasit iya nya motosikal, televisyen enggau barang elekterik disedia dibai pulai bala pengusung ti manah nasit.

    Berebak enggau nya, penatai bala artis tebilang baka Bob AF, Ifa Raziah, Rosiana Urai, Nurul Sheeda, Max Kueh, Dayangku Fazillah, enggau Ricky Andrewson sereta mayuh ke bukai tentu deka merindang bala pengusung.

    Pengawa bejadika Program Sejiwa Senada diperambu deka dipenyadika Kepala Menteri Datuk Patinggi, Abang Johari Tun Openg. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads