Projek ngemanah jalai batang ke Wong Pelagus empai tembu kenyau ari taun 2010
Cari Berita

Advertisement

Projek ngemanah jalai batang ke Wong Pelagus empai tembu kenyau ari taun 2010

Chief Editor | Berita Iban MY
April 30, 2018

KEMAYA TEMBU?: Sebagi ari jalai ti empai tembu nyentuk ke diatu.

KAPIT: Chalun Parti Tindakan Parti Demokratik (DAP) Kapit Paren Nyawi deka nemu pejalai projek ngemanahka jalai batang dikena ngemuntangka pejalai nengah Wong Pelagus.

Iya madah, projek ngemanahka jalai nya udah diungkupka RM8 juta ba taun 2010 tang empai tembu magang nyentuk ke diatu.

“Taja udah lapan taun tang rayat ditu mengkang nengah Wong Pelagus enti deka ke Pasar Kapit.

“Rayat agi nganti projek ngaduka jalai batang tembu ngambika enda nengah sungai agi,” pia ku iya madah nengah penerang media, kemari.

Paren ti mega Koordinator DAP Kapit madah, projek tu mungkur projek ngaga jalai muntang ari kaki wong (ari baruh Wong Pelagus) ngelawa pala wong.

“Penembu projek tu besai amat reti ngagai rayat ditu ngambika likun agi ari ke mansang Wong Pelagus.

“Tu lebih agi diasaika sida ke diau ba pala Wong Pelagus ti pulai mansang ngelawa Pasar Kapit,” ku iya nerang baru. #UtusanBorneo