Header Ads

  • Berita Tebaru

    Raban nembiak BN Sarawak sedia napi PRU14, ku Rentap

    SERURAN BESEDIA: Rentap begambar enggau bala temuai enggau pesereta ke datai ngulu Majlis Mega WWTC@ Betong.
    BETONG: Raban nembiak Barisan Nasional (BN) Sarawak udah sedia enggau raban gawa pengawa bepilih dikena nentuka BN menang besai maya PRU14 tu.

    Ketuai raban nembiak BN Sarawak, Gerald Rentap Jabu deka seruan meransang raban gawaka parti ngambi negika BN meruan megai perintah nengeri tu.

    “Pengawa kitai meri awak ngagai raban nembiak BN ba pengawa ngelangkar enggau meri fokus menang besai dikena nampung agenda pemansang ungkup rayat.

    “Kitai meransang bala nembiak seruran regas sereta ransing gawa negika agenda perintah sereta nempa raban nembiak ti kreatif.

    “Pemintar enggau pengeregas runding tetiap raban nembiak ulih nempa sida inovatif sereta kreatif agi begulai mansutka ekonomi digital baka ti dikearap.

    Iya mansutka jaku nya lebuh ngelansa pasal pengawa raban nembiak BN nyediaka diri napi PRU14 rambau pengawa ngelanjarka Majlis Mega WWTC @ Betong ti diatur di Balai Lumba Tan Sri Datuk Amar Stephen Kalong Ningkan Betong semak ditu, bedau lama.

    Iya ke mega Kaban Kunsil Nengeri (ADUN) Layar madah BN nyadi pemerintah nengeri kenyau ari iya ada lalu seruran ditegi nyentukka ujung nyawa.

    “Kitai deka nentuka BN nyadi pemerintah kenyau ari kitai ada deka seruran ditan.

    “Kitai mega pechaya rayat deka terus milih BN megai nengeri tu lalu deka ngetanka pemenang maya PRU14 tu,” ku iya. #UtusanBorneo

    No comments

    Post Top Ad