Sarawak bisi kuasa ba pengawa ngulihka minyak, gis di nengeri tu - Berita Iban Online

Header Ads

  • Baru Nyadi

    Sarawak bisi kuasa ba pengawa ngulihka minyak, gis di nengeri tu

    ARI KAMI: Antonio (empat kanan) nyuaka tepa ngagai Gerawat.
    MIRI: Sarawak bisi kuasa undang-undang meri suwa tauka lisin ngulihka minyak ngagai sebarang kompeni ti deka ngiga minyak enggau gis di nengeri tu.

    Taja Petronas ari baruh Akta Pembangunan Petroleum ngambu ngempu hak semua hidro karbon (minyak enggau gis) dalam Malaysia, ku Sapit Speaker Dato Gerawat Gala madahka nengeri tu bisi atur diri empu ba suwa minyak.

    “Sebedau Akta Pemansang Petroleum, kitai udah bisi konstitusyen diri empu ba lisin tauka suwa minyak. Nya nadai kala dikinsil lebuh Akta Pemansang Petroleum dikemendarka parlimen,” ku Gerawat ba Konfren Pengari Federasyen Orang Ulu Malaysia (FORUM) Ke-6

    Ari baruh konstitusyen nya, nengeri bisi hak enggau kuasa meri sebarang kompeni nyuwa tauka lisin ba aktiviti ngiga minyak enggau gis.

    Nitihka randau antara Petronas enggau Perintah Nengeri, atur deka dipejalai kena 1 Julai tu.

    Nitih ku Gerawat, perintah nengeri udah meri suwa ngagai kompeni diempu nengeri tu Petros, hak nyerungkai minyak di Assam Paya. 

    “Perintah nengeri enggau Petros bela deka datai ba adan ke alai gaya pekara tu deka nyengala tang naka diatu, perati perintah nengeri kitai nyata amat beratka kitai deka ngetanka hak undang-undang enggau enggau gis ba kandang Sarawak,” ku iya seraya nambah ke alai kandang nya nyadi di tanah tang mega dikerembai ngagai kandang tasik.

    Ku Gerawat, bisi pematut ngubah konstitusyen enti sema royalti minyak deka ditiki ngagai 20 peratus ari 10 peratus (lima peratus ngagai perintah nengeri enggau lima peratus agi ngagai perintah besai).

    Sama bisi datai Kaban Kunsil Nengeri (ADUN) Telang Usan Dennis Ngau, Direktor Presiden FORUM Antonio Khati Galis sereta bala ketuai komuniti Orang Ulu.

    Maya konferen nya, Gerawat begulai enggau dua iku Kaban Parlimen (MP) Orang Ulu sereta tiga iku ADUN udah ngemendarka geran sepenyampau RM90,000 ngagai Forum. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads