Header Ads

  • Berita Tebaru

    Semaya BN meri tanah 10 ekar ungkup sepintu bilik di Sg Asap bedau dikeamat

    Abun Sui
    MIRI: Parti Keadilan Rakyat (PKR) Hulu Rajang balat tekenyit enggau pekara ke alai sekeda raban madahka semaya Barisan Nasional (BN) ngagai peranak di Sungai Asap, Koyan, udah dikeamat Datuk Seri Najib Tun Razak.

    Ketuai PKR Hulu Rajang, Abun Sui madah pekara nyata Najib lalu bedau ngamatka sebarang semaya bekaul enggau tambah 10 ikar tanah ngagai tetiap ruang bilik di Sungai Asap, Koyan.

    Iya nyemetak madah pekara ti nyadi iya nya semaya Najib lebuh Januari 2011 ngagai peranak Asap, Uma Belor deka meri 10 ikar tanah ngagai tetiap ruang bilik di Sungap Asap, tang nyentuk diatu lalu bedau dikeamat.

    “Peranak Sungai Asap, Koyan lalu bedau nerima tanah pemesai 10 ikar ti diungkup ngagai tetiap peranak,” ku Abun Sui madah ngagai The Borneo Post kemari.

    Nitih ku Abun, sekali tu, kena 5 April 2018, sekali agi Menteri Besai Najib besemaya deka meri tiga ikar tanah ngagai Sungai Asap, ke alai pemesai tanah disemaya ungkup tetiap ruang bilik diatu manggai 13 ikar.

    Nya alai, penerang dulu agi rambau penemuai Najib kena 5 April 2018 dikeluar ba edisyen online Borneo Post balat ngasuh saru penemu laban tanah ti disemaya lalu bedau dikeamat, ku iya. #UtusanBorneo

    No comments

    Post Top Ad