Sepital Sibu ngiga bala ke ngelala Grum Angkie - Berita Iban Online

Header Ads

  • Baru Nyadi

    Sepital Sibu ngiga bala ke ngelala Grum Angkie

    SIBU: Sepital Sibu minta bala sepintu bilik (ahli keluarga) enggau siku pesakit lelaki bebangsa Iban, benama Grum Angkie, 51 taun (gambar bisi ba artikel tu) dipinta ngenataika diri ke Sepital Sibu enggau naka pengelengkas.

    Nitihka penerang ari Sepital nya, alamat kepenudi ia ke dikena pesakit nya: Rumah Unggang, Sungai Penyulau, Kanowit.

    Pesakit nya dianjung bala ke sepintu bilik (ahli keluarga) berubat ke sepital kena 24 Februari 2018 tu kemari tang lalu nadai orang ngabas iya pengudah nya.

    Raban Sepital udah nguji betalipaun bala ke sepintu sebilik (ahli keluarga) enggau nya tang nadai mega bala iya ngenataika diri ke sepital nya. 

    Berebak enggau nya, Raban ari sepital nya minta bala ke sepintu bilik (ahli keluarga) tauka mensia mayuh ke ngelala bala kaban belayan Grum Angkie tau ngasuh sida iya ngenataika diri ke Wad Psikiatri Lelaki, Hospital Sibu tauka betalipaun ngagai Norlida Samat, Unit Kerja Sosial Hospital Sibu, ngena lumor: 084-238 818 nitihka jam opis maya gawa (hari satu - hari lima) tauka betemu enggau Pegawai Perubatan di wad nya kena bejalaika pengawa berubat ke pesakit nya enggau silik agi. #BeritaIban

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads