Siku deriba motosikal bebadi
Cari Berita

Advertisement

Siku deriba motosikal bebadi

Chief Editor | Berita Iban MY
April 24, 2018

EKSIDEN: Gambar ba palan penusah ke nyadi tumu pagi tadi.

SRI AMAN : Siku deriba motosikal bebadi ketegal belantak enggau siti agi motosikal di Sri Aman tumu pagi tadi.

Nitihka penerang ari Ketuai Polis Pampang Sri Aman, DSP Othman Sulaiman madahka eksiden nya nyadi urung jam 5.50 pagi di Kilometer 3, Jalai Sri Aman-Kuching, besemak Simpang Perumahan Rakyat, Sri Aman.

Mansa ke bebadi nya dikelala enggau nama Albert Anak Sanjan, 32 taun penatai ari Panjai Ruai, Lubok Antu.

Nitihka pansik raban polis mansa nya benung dirantau jalai ngena motosikal ari Temudok nujuka Bandar Sri Aman alu belantak enggau siti motosikal ke benung pansut ari Simpang Perumahan Rakyat.

Ketegal eksiden nya, mansa bebadi ba palan penusah ke nyadi, tang siku indu ke deriba motosikal, 47 taun, orang ke enggau iya belantak diripotka patah jari kiba.

Tubuh (mayat) mansa udah dianjung ke sepital dihantar ke Hospital Sri Aman laban deka  dibedah siasat. #RTMMalaysia