Siku nembiak lelaki bebadi di Jalai Pesisir Pantai, Miri - Berita Iban Online | Laman Web Berita Kitai

Header Ads

  • Baru Nyadi

    Siku nembiak lelaki bebadi di Jalai Pesisir Pantai, Miri

    BEBADI: Siku Polis dibantu Raban APM ngangkatka bangkai niang tama ke entukar Black Maria laban deka dianjung ke Sepital Miri.

    MIRI: Siku pelajar sekula lelaki ti deka pulai ke rumah pengudah betemu enggau kaban iya balang, pengudah iya eksidin di Jalai Persisir Pantai besemak simpang Sungai Rait ditu, lemai kemari.

    Ketuai Opis Pansik Enggau Penerit Adat Trafik Indu Opis Polis Kontinjen Sarawak, Superintenden (Supt) Alexson Naga Chabu madahka mansa dikelala enggau nama Mohd Amirul Hisyam Hanapih, 16 taun, disahka bebadi ketegal bakal ba tubuh lalu madamka seput ba palan penusah nyadi.

    Ku iya, sebedau penusah nyadi urung jam 4 lemai, mansa nepan motosikal di rantau jalai nuju ke Bintulu.

    Berebak enggau nya, sebuah lori ke ditepan siku lelaki beumur 31 taun mega bisi nengah jalai nya muak ari Miri nuju ke Bintulu.

    “Asil pansit tumu maya polis datai ba palan penusah ke nyadi, deriba lori ngelih motosikal mansa ke benung di tisi jalai kiba enggau ngenyit motosikal mansa tepawah lalu ngejungka mansa ngelantak lori sebedau iya labuh.

    “Deriba lori berasai baka ke bisi utai ke ngelantak iya, dia iya lalu ngetu sereta tepeda siku lelaki ke benung gali di atas jalai alun ke penuh enggau darah,” ku iya.

    Nitihka dipadah sebedau penusah nyadi mansa ke nepan kediri ti benung deka pulai ke rumah iya di Kampung Pejuang Kelulit, Bekenu pengudah betemu enggau kaban iya.

    Tubuh tauka bangkai mansa dianjung ke Sepital Miri seraya nganti pansik ke nyentuk agi.

    Kes tu dipansik nitihka Genteran Seksyen 41 (1) Akta Pengangkutan Jalan 1987. #BeritaIbanOnline

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads