SPR Sarawak nagit narit 70-80 peratus orang nurun ngundi - Berita Iban Online

Header Ads

  • Baru Nyadi

    SPR Sarawak nagit narit 70-80 peratus orang nurun ngundi

    Logo Komiti Pengawa Bepilih (SPR) Sarawak
    KUCHING: Komiti Pengawa Bepilih (SPR) Sarawak nagit ulih nyapai 75 nyentuk ngagai 80 peratus pengundi berejista nurun muai undi ba Pengawa Bepilih Besai Ke-14(PRU14) kena 9 Mei tu.

    Direktor SPR Datu Takun Sunggah madah ikas nya ulih dijapai enti semua pengundi meretika tanggungpengawa sida muai undi.

    “Dikena nyapai juluk nya aku meransang pengundi nurun bebala mayuh muai undi ba palan ke udah ditetap.

    “Tetiap undi kita deka nentuka perintah ungkup lima taun ke deka datai.

    “Kelimpah ari nya, kaban tauka ejen ari tetiap parti mega dikearap ulih mantu SPR nengah chara meransang pengundi sida nurun bebala mayuh maya nya ila,”ku Takun lebuh dikerandau di Opis iya di Begunan Sultan Iskandar di Kuching kemari.

    Iya nambah serak tu penyampau 1,220,960 iku pengundi sah peranak Sarawak deka bejalaika tanggungpengawa muai undi.

    Penyampau nya ku Takun diambi ari rikod pengundi berejista SPR Sarawak naka 10 April 2018.

    ‘Penyampau pengundi sah tu deka ngundi di palan muai undi di 31 sitak parlimen Sarawak,’ku iya.

    Nitihka penerang Takun, penyampau 1081 sekula di serata Sarawak deka nyadi palan muai undi.

    Kelimpah ari nya ku iya 457 buah rumah panjai, 223 balai mensia mayuh enggau balai mayuh guna sereta 83 palan bukai deka mega nyadi palan muai undi.

    Dikena ngelanchar PRU14, SPR Sarawak deka nguna 5,487 perengka pengangkut darat, 614 perau panjai, 61 perau laju (kuasa injin) enggau 36 buah bilun engkabang, tandu Takun. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads