Ubah Undang-Undang Tanah Negeri deka dipejurai ba Aum DUN Julai tu ila - Berita Iban Online

Header Ads

  • Baru Nyadi

    Ubah Undang-Undang Tanah Negeri deka dipejurai ba Aum DUN Julai tu ila

    SALANG
    SIBU: Sekretari Besai Parti Rakyat Sarawak (PRS) Datuk Joseph Salang Gandum, madahka Undang-Undang Tanah Negeri deka dipejuraika ba Aum Dewan Kunsil Negeri (DUN) dalam bulan Julai tu ila.

    Ku iya, ubah nya digaga ngambika Pulau Galau enggau Pemakai Menua bekaul Tanah Adat Bumiputera bisi penerang ke nyemetak agi.

    Salang mega madahka iya siku ari komiti ke ditumbuh mutarka penanggul nya.

    “Pekara tu beguna amat dikena nentuka hak komuniti ditegi,” ku iya ba pengerami begulai enggau rayat ba Rumah Ubat Ego, Nanga Serau ditu kemari.

    Salang ke mega penyandang sitak Parlimen Julau melabaka isu tanah NCR deka dibantai maya kimpin pengawa bepilih besai ke-14 tu ila.

    Taja pia, iya ngarapka rayat di menua pesisir enda mudah tekalih runding mendingka petebah ti dituju ngagai perintah.

    Ku iya baru, rayat di Julau dikearap milih chalun ke betul maya muai undi laban nya deka nentuka sida enda tinggal ari program pemansang perintah.

    Ku iya baru, Julau enggau Pakan sebagi ari projek Sadok Agropolitan ti deka ngubah Sarikei enggau Betong nyadi palan besai ngemansutka pemakai negeri.

    Nya ila deka ngemanyuhka agi pemansang infrastruktur digaga ba kandang menua nya.

    Nya kebuah iya ngarapka rayat di Julau terus nyukung perintah enggau chalun BN. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads