2 suspek enchuri buah mangga pemerat 10 KG udah mujur ditangkap - Berita Iban Online

Header Ads

  • Baru Nyadi

    2 suspek enchuri buah mangga pemerat 10 KG udah mujur ditangkap

    Gambar buah mangga enggau suspek ke enchuri buah mangga di Desa Murni, Miri ngelamatu.

    MIRI: Buah mangga mayuh lenyau di perumahan Desa Murni, Miri, dalam kandang sebulan tu, udah temu nama kebuah pengudah dua iku 'antu mangga' mujur ditangkap Polis Komuniti di  perumahan nya, pagi kemari.

    Dua iku suspek, lelaki, beumur 20-an nya ditangkap raban Polis Komuniti maya bejalaika pengawa bejalai enggau ngemata lalu tepeda suspek nya baka ke bisi mai guni.

    Maya Polis Komuniti mansang semak agi asuh kededua suspek nya ke benung nepan motosikal enggau seguni penuh buah mangga pemerat 10 Kilogram, sebedau suspek nya kena tangkap.

    Nitihka penerang ari Plos Komuniti nya,  semua buah mangga ke dalam guni nya dipechayaka baru aja ulih dichuri suspek nya ari berapa pun buah mangga di perumahan nya sebedau dijual ngagai orang bukai.

    "Kededua suspek nya mega dipelabaka enchuri semua buah mangga di perumahan ngelamatu," ku iya.

    Ku iya, peranak menua nya ngelamatu mayuh udah ngaga ripot madahka buah mangga ba rumah sida iya udu lenyau enggau dichuri orang ti enda dikelala, dalam kang sebulan lebih ke udah.

    "Kededua suspek udah diserah ke ngagai kena bejalaika pengawa mansik," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads