Header Ads

  • Berita Tebaru

    22 iku kaki penyabung manuk kena tangkap di kebun sayur

    Gambar bala kaki penyabung enggau manuk sabung ke mujur ditangkap bala polis maya abis ngenyit kemari.

    KUCHING: Penyampau 22 kaki penyabung manuk ditangkap maya abas ngenyit di kebun sayur Sarikei ke dijadika sida kelang sabung, kemari.

    Ketuai Bagi Tasat Jenayah (JSJ) Polis Sarawak Datuk Dev Kumar madah maya abas nya dipejalaika raban Opis Polis Kontinjen (IPK) Sarawak di Jalai Kwong Min-Minah, urung jam 3.30 lemai kemari.

    “Maya raban polis datai ba palan nya, urung 50 ngagai 60 iku orang ke benung chapuh meda bala besabungka manuk ba kelang nya.

    “Pengudah sida nemu polis bisi datai dia, sida lalu bekesebar ngelarika ke tama babas,” ku iya nerangka bala pengarang berita kemari.

    “Semina 22 iku lelaki aja ke mujur ditangkap ke beumur 30 ngagai 79 taun, peranak menua nya empu.” tandu iya.

    “Polis mega bisi nangkap empat iku manuk sabung ke agi idup enggau perengka ke dikena sida iya nyabung manuk,” ku Dev.

    Kes tu dipansik ari baruh Seksyen 3 (1) Ordinan Pencegahan Kekejaman Terhadap Haiwan 1062.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: